Салатата „Македонија“ била од зеленчук и првпат се среќава во 1740 година

Салатата „Македонија“ била од зеленчук и првпат се среќава во 1740 година
Кога во Европа ќе се спомене салати „Македонија“, тоа веднаш асоцира на мешана овошна салата.

Но името Македонија во кулинарството првпат се употребило за зеленчукова салата од повеќе различни состојки, објави шпанскиот портал „Лилемус“.

Најраниот познат запис за салатата „Македонија“ е од 1740 година и е забележан во книга објавена во Амстердам, а посветена на францускиот принц Луј Огист де Бурбон. Таа содржела грашок, грав, боранија и моркови, била приготвена во путер и прелиена со бел сос, што пак, потсетува на она што денес го нарекуваме „Руска салата“.

Се смета дека името „Македонија“ е инспирирано од Македонското Царство на Александар Велики, кое било составено од мешавина од многу народи. Тој, според изворите, сакал тој конгломерат од земји да се одликува со мултиетничност, мултикултурализам и рамноправност меѓу народите.

Споделување со вашите пријатели: