MKD
ALB
ENG
ПЕЧАТЕНО ИЗДАНИЕ
RSS
Грчкото министерство за надворешни работи упати демарш до турскиот амбасадор во Атина наведувајќи дека турски борбени авиони сѐ почесто го нарушуваат воздушниот простор на Грција.
Овојпат конкретна причина за демаршот е сметањето на хеликоптерот со кој летал грчкиот премиер Алексис Ципрас на островот Агатониси во Егејското море, каде присуствуваше на одбележување на годишнината на востанието против османлиското владеење во 1821 година, пренесе „Катимерини“.
Инцидентот се случи по само неколку дена откако грчкиот и турскиот министер за надворешни работи Јоргос Картугалос и Мевљут Чавушоглу се согласија дека делегации на Турција и на Грција ќе се состанат за да разговараат за мерките за изградба на доверба засновани на спогодбата која во 1988 година ја потпишаа тогашниот премиер Каролос Папуљас и неговиот турски колега Месут Илмаз.